भरधाव वाहनाच्या धडकेत 
दुचाकीस्वार पोलिसाचा मृत्यू 
पिंपळे सौदागरमधील घटना ः वाहनचालक पसार

भरधाव वाहनाच्या धडकेत दुचाकीस्वार पोलिसाचा मृत्यू पिंपळे सौदागरमधील घटना ः वाहनचालक पसार

पिंपरी, ता. ८ : भरधाव वाहनाने दिलेल्या धडकेत गुन्हे अन्वेषण विभाग (सीआयडी) पुणे येथे कार्यरत असलेल्या दुचाकीस्वार पोलिस हवालदाराचा मृत्यू झाला. ही घटना पिंपळे सौदागर येथे रविवारी (ता. ७) रात्री घडली. अपघातानंतर धडक देणारा वाहनचालक पसार झाला आहे.
सचिन विष्णू माने (वय ४३, रा. आदित्य अपार्टमेंट, मोशी) असे अपघातात मृत्युमुखी पडलेल्या पोलिस हवालदाराचे नाव आहे. माने हे रविवारी (ता. ७) त्यांच्या वडिलांना घेऊन पुण्यातील खासगी रुग्णालयात आले होते. तेथील उपचारानंतर वडिलांना त्यांनी धायरी येथील बहिणीच्या घरी सोडले व दुचाकी घेऊन मोशी येथील घरी येत होते. दरम्यान, रात्री पावणेदहाच्या सुमारास पिंपळे सौदागर येथील पीके चौकाजवळ त्यांच्या दुचाकीला भरधाव अज्ञात वाहनाने धडक दिली. या अपघातात त्यांच्या डोक्याला गंभीर दुखापत झाली. अपघातानंतर वाहनचालक घटनास्थळी न थांबता पसार झाला. अपघातानंतर परिसरातील नागरिकांनी माने यांना जवळच्या रुग्णालयात दाखल केले. मात्र, उपचारापूर्वीच त्यांचा मृत्यू झाल्याचे डॉक्टरांनी सांगितले.
-------------
मूळगावी अंत्यसंस्कार
सचिन माने हे २००३ मध्ये पोलिस दलात भरती झाले होते. त्यांच्यामागे आई- वडील, पत्नी, एक मुलगा आणि एक मुलगी असा परिवार आहे. मुलगी सातवीत व मुलगा बारावीत शिकत असून, पत्नी गृहिणी आहे. माने यांचा अंत्यविधी त्यांच्या मूळगावी जेजुरी येथे झाला.
-------------------

‘‘अपघातानंतर आरोपी पसार झाला आहे. याप्रकरणी गुन्हा दाखल झाला असून, परिसरातील सीसीटीव्ही फुटेजच्या आधारे आरोपीचा शोध घेतला जात आहे.
- महेश बनसोडे, वरिष्ठ पोलिस निरीक्षक, सांगवी पोलिस ठाणे.
-----------------------------
फोटोः 31145

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com