हवालदार मृत्यूप्रकरणी धागेदोरे मिळेना

हवालदार मृत्यूप्रकरणी धागेदोरे मिळेना

पिंपरी, ता. ९ : दोन दिवस उलटूनही पिंपळे सौदागर येथील ‘हिट ॲण्ड रन’ प्रकरणी कुठलेही धागेदोरे अद्याप पोलिसांच्या हाती लागलेले नाहीत. भरधाव वाहनाने दिलेल्या धडकेत राज्य गुन्हे अन्वेषण विभागातील (सीआयडी) पोलिस हवालदाराचा मृत्यू झाला होता.
सचिन विष्णू माने (वय ४३, रा. आदित्य अपार्टमेंट, मोशी) असे अपघातात मृत्युमुखी पडलेल्या पोलिस हवालदाराचे नाव आहे. माने हे रविवारी (ता. ७) रात्री पावणे दहाच्या सुमारास पिंपळे सौदागर येथील पीके चौक येथून दुचाकीवरून जात असताना हा अपघात झाला. अपघातानंतर वाहनचालक घटनास्थळी न थांबता पसार झाला.
याप्रकरणी सांगवी पोलिस ठाण्यात अज्ञात आरोपीवर गुन्हा दाखल झाला. मात्र, दोन दिवस उलटूनही पोलिसांना आरोपीपर्यंत पोहोचण्यात यश आलेले नाही. परिसरातील सीसीटीव्ही फुटेजच्या आधारे आरोपीचा शोध घेतला जात आहे. मात्र, घटनास्थळी जवळपास पुरेसे सीसीटीव्ही कॅमेरेही नाहीत.
सांगवी पोलिस ठाण्याचे वरिष्ठ पोलिस निरीक्षक महेश बनसोडे म्हणाले,‘‘परिसरातील सीसीटीव्ही फुटेजच्या आधारे आरोपीचा शोध घेण्याचे काम सुरू आहे. परिसरात चौकशीही केली जात आहे. धडक देणारे वाहन नेमके कोणते होते हे स्पष्ट सांगता येत नाही. पोलिस आरोपीच्या मागावर असून अधिक तपास चालू आहे.’’

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com