वारजेमध्ये गोळीबार करणाऱ्या
आरोपीला पिंपरीत अटक

वारजेमध्ये गोळीबार करणाऱ्या आरोपीला पिंपरीत अटक

पिंपरी, ता. १० ः वारजे माळवाडी येथे मतदान संपल्यानंतर गोळीबार करणाऱ्याला पिंपरी-चिंचवड पोलिसांच्या गुन्हे शाखा युनिट दोनच्या पथकाने अटक केले. सिद्धाप्पा मलिकार्जून यळसंगीकर (वय ३५, रा. यळसंगी, ता. आळंद, जि. गुलबर्गा, कर्नाटक, सध्या रा. कोथरूड) असे आरोपीचे नाव आहे. वारजे माळवाडी परिसरात मंगळवारी (ता. ७) मतदान प्रक्रिया पार पडली. यानंतर रात्री या परिसरातील रामनगर येथे काही जणांनी हवेत गोळीबार केल्याने परिसरात भीतीचे वातावरण पसरले. गोळीबारानंतर आरोपी पसार झाले. दरम्यान, बुधवारी (ता. ८) रात्री पिंपरीतील डॉ. बाबासाहेब आंबेडकर चौकाजवळ एकजण पिस्तूल घेऊन थांबल्याची माहिती पिंपरी-चिंचवड पोलिसांच्या युनिट दोनच्या पथकाला मिळाली. त्यानुसार पोलिसांनी सापळा रचला. दरम्यान, सिद्धाप्पा याला पोलिस आल्याची चाहूल लागताच तो कमरेचे पिस्तूल काढून फायरिंग करण्याच्या व उडी मारून पळून जाण्याच्या तयारीत असताना त्याला पोलिस अंमलदार अजित सानप व नामदेव कापसे यांनी झडप घालून शिताफीने पकडले. त्याची चौकशी केली असता त्याने साथीदारांसह वारजे येथे गोळीबार केल्याची कबुली दिली. तसेच, सिद्धाप्पा याच्यावर कर्नाटकातील सिंदगी पोलिस ठाण्यात खुनाचे दोन गुन्हे दाखल असून सध्या तो जामिनावर सुटलेला आहे. पुणे येथे तो कामासाठी आलेला असताना दहशत निर्माण करण्यासाठी त्याने हा प्रकार केला. त्याच्याकडून एक पिस्तूल व जिवंत काडतूस जप्त केले. सिद्धाप्पा याने पिस्तूल व काडतूस कोठून आणले व कोणाच्या सांगण्यावरून गोळीबार केला याबाबतचा तपास सुरु आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com