कासारवाडीत वर्षीतप करणाऱ्या तपस्वींचा सन्मान

पिंपरी, ता. ११ : कासारवाडी जैन श्रावक संघाच्यावतीने प. पू. गौतममुनिजी म. सा. आणि प. पू. चेतनमुनिजी म. सा. यांच्या सानिध्यात वर्षीतप करणाऱ्या तपस्वींचा सन्मान करण्यात आला. दोन्ही मुनिंनी वर्षीतप या पवित्र तपाचे महत्त्व विशद केले.
कासारवाडी येथील जैन स्थानकाजवळील पगारिया सभागृहात झालेल्या या कार्यक्रमात वर्षीतप तपस्वी मोतीबाई लुंकड, सुमन गुगळे, सुनीता चोरडिया, लताबाई टाटिया, मंगल देसरडा, पुष्पा शिंगवी, विजया देसरडा आणि भवरलाल चोरडिया या आठ तपस्वींचा सत्कार करण्यात आला. तसेच तपस्वी प. पू. गौतममुनिजी यांचाही साधना सदन आणि कासारवाडी जैन श्रावक संघाच्या वतीने ‘आदर की चादर’ समर्पण करून सम्मान करण्यात आला. यावेळी साधना सदन श्री संघाचे अध्यक्ष विजयकांत कोठारी, पन्नालाल लुनावत, विजय धोका, आदेश खिंवसरा, विजय भटेवरा, नितीन ओस्तवाल तसेच सज्जनबाई बोथरा, चंचलबाई कोठारी, अशोक लुंकड, राजेंद्र कर्नावट, सुरेश धाडिवाल, जितेंद्र गुगळे, राजेंद्र बाठीया, सुनील कोठारी आदी उपस्थित होते. या कार्यक्रमासाठी संघाचे अध्यक्ष श्रेयस पगारिया, पंकज कांकरिया, किरण भंडारी, मयूर पगारिया, स्नेहल भंडारी, संदीप कर्नावट, पंकज कटारिया, संदीप फुलफगर, अमोल मुथा आदींनी पुढाकार घेतला. श्री संघाचे माजी अध्यक्ष डॉ. अशोककुमार पगारिया यांनी प्रास्ताविक केले. श्रेयस पगारिया यांनी सूत्रसंचालन केले.