नागरीकांनी आरोग्याची काळजी घ्यावी

सोमाटणे, ता. ११ ः तापमान वाढीचा आरोग्यावर परिणाम होऊ नये यासाठी नागरिकांनी काळजी घ्यावी, असे आवाहन आढले प्राथमिक आरोग्य केंद्राने केले आहे.
गेल्या दोन महिन्यांपासून तापमानाचा पारा प्रचंड वाढला असून, मावळच्या ग्रामीण भागात पाणी व वनसंपदा भरपूर असूनही तापमान ३५ अंशाच्या पुढे गेले आहे. या वाढत्या तापमानामुळे दिवसभर शेतीचे कामे करणाऱ्या नागरिकांच्या आरोग्यावर परिणाम अधिक होत असल्याने ग्रामीण भागातील नागरिकांनी काळजी घ्यावी, असे आवाहन आरोग्य अधिकारी डॉ. दिलीप सूर्यवंशी यांनी केले आहे.

हे उपाय करावेत
- शेतकऱ्यांनी शेतीची कामे सकाळी व संध्याकाळी करावे.
- दुपारच्यावेळी तापमान जास्त असल्याने थंड ठिकाणी विश्रांती घ्यावी.
- शरीराच्या गरजेनुसार भरपूर थंड पाणी प्यावे.
- उष्णता निर्माण करणारे अन्नपदार्थ न खाता ताक, दही यासारखे थंड पदार्थ खावे
- दुपारचा प्रवास टाळावा
- शरीराला काही त्रास जाणवू लागल्यास तत्काळ जवळच्या रुग्णालयात जाऊन उपचार घ्यावे