भोसरी विधानसभा नवमतदार

भोसरी विधानसभा नवमतदार
---
आपल्या राज्यघटनेने अठरा वर्षांवरील सर्वांना मतदानाचा हक्क दिला आहे. तो मलाही मिळाला आहे. त्यामुळे मला मतदान करता आले. लोकशाही बळकट करण्यासाठी मतदानाचा वापर करणार आहे.
- दिनेश काशीद, चिखली

मला प्रथमच मतदानाचा हक्क मिळाला आहे. त्यामुळे आनंद झाला आहे. निवडणूक व मतदान प्रक्रियेबाबत उत्सुकता होती. एक सजग नागरिक म्हणून मतदान केले आहे. आज कर्तव्य पार पाडता आले आहे.
- अनिकेत इधाटे, मोरे वस्ती

निवडणूक जाहीर झाल्यापासून मतदान करण्याबाबत उत्सुकता होती. मी पहिल्यांदाच मतदान करत आहे. मतदानाचा हक्क मिळाल्याचा आनंद आहे. मतदान करून एक राष्ट्रीय कर्तव्य पार पाडल्याचा आनंद आहे.
- मोहन राऊत, चिखली

लोकशाहीच्या बळकटीसाठी मतदानाचा हक्क बजावला आहे. मतदानाच्या माध्यमातून चांगला राज्यकर्ता निवडण्याची संधी मिळाली आहे. राष्ट्रीय कर्तव्य पार पडल्याची भावना मनामध्ये निर्माण झाली आहे.
- परी रणसुभे, चिखली

राज्यघटनेमुळे मतदानाचा हक्क मिळाला आहे. त्यामुळे भारतीय लोकशाहीत आपला राज्यकर्ता निवडण्याची संधी मला मिळाली आहे. एक नव मतदार म्हणून माझ्यासाठी मतदान करणे ही अभिमानाची गोष्ट आहे.
- वैभव तराळकर

मी पहिल्यांदाच मतदानाचा हक्क बजावला आहे. आपल्या राज्यघटनेने दिलेला अधिकार म्हणजे एक अनमोल हक्क आहे. लोकशाहीच्या बळकटीसाठी प्रत्येकाने आपला हक्क बजावणे आवश्यक आहे.
- माया काशीद

मतदार म्हणून नाव नोंदणी केली होती. त्यानंतर मतदार ओळखपत्र मिळाले. तेव्हापासून मतदान करण्याची उत्सुकता व इच्छा मनात होती. ती इच्छा प्रथमच पूर्ण झाली आहे. हा अनुभव अनमोल राहिला.
- यश कारले

मतदानाचा हक्क बजावताना योग्य उमेदवाराची निवड करण्याची संधी भारतीय लोकशाहीमुळे आपल्याला मिळाली आहे. त्यानुसार मतदान करून मी अनमोल हक्क बजावला आहे. प्रत्येकाने मतदान करणे गरजेचे आहे.
- सुदेश लोखंडे

लोकसभा निवडणूक म्हणजे भारतीय लोकशाहीचा महामेळावा आहे. त्यात मतदानाच्या रूपाने भाग घेण्याची संधी सर्वांना मिळाली आहे. तशी संधी मलाही मिळाली आहे. त्याचा मनोमन आनंद झाला आहे.
- उदय साळुंखे

मतदार यादीत नाव आल्याने सकाळीच जाऊन मी मतदानाचा हक्क बजावला. मतदान करण्याचा पहिलाच अनुभव होता, तो खूप चांगला राहिला. आता प्रत्येक निवडणुकीत मतदानाचा हक्क बजावणार आहे.
- अक्षय राठोड
---