इंद्रायणी साहित्य सेवा पुरस्कार राजन लाखे यांना प्रदान

पिंपरी,ता. १५ ः ‘कविता करणे ही कवीला लाभलेली मौलिक देणगी आहे, जिचे कवीने जतन केले पाहिजे. शेवटी कविता ही साहित्याचा आत्मा आहे,’’ असे प्रतिपादन अखिल भारतीय मराठी साहित्य महामंडळाचे सदस्य राजन लाखे यांनी केले.
देहू येथील इंद्रायणी साहित्य पीठाच्या वतीने आयोजित वार्षिक बक्षीस वितरण सोहळ्यात ते बोलत होते. देहू येथील अभंग इंग्लिश मीडियम स्कूलमध्ये झालेल्या या सोहळ्यात राजन लाखे यांना या वर्षीचा राज्यस्तरीय ‘इंद्रायणी साहित्यसेवा पुरस्कार’ प्रदान करण्यात आला. देहू देवस्थानचे अध्यक्ष पुरुषोत्तम महाराज मोरे, ज्येष्ठ साहित्यिक दादाभाऊ गावडे, प्रा. डॉ. सुरेश वाकचौरे व साहित्यपीठाचे अध्यक्ष डॉ. अहेफाज मुलाणी यांची प्रमुख उपस्थिती होती.
देहू येथे झालेल्या ‘इंद्रायणी आहे साक्षीला'' या उपक्रमातील राजेंद्र कांबळे, रूपाली सोनवणे, अश्विनी लिके, प्रीतम फिसरेकर, संतोष गाढवे, मीनल साकोरे, ॲड. गणेश गायकवाड पाटील, तन्वी फिसरेकर, सौरभ आहेर, कमल आठवले, अरुण कांबळे, वसंत हांडीबाग, बालकवी स्वरूप मराठे, भीमशाहीर प्रकाश गायकवाड, श्रीधर अंभुरे, डॉ. प्रशांत पाटोळे, विश्वेश्वर बोडखे, विलास अतकरी, बाबा ठाकूर, गुलाबराजा फुलमाळी, सुरेश धोत्रे, अशोक वाघमारे, दीपाली खामकर, दत्तात्रेय पोवार, कवी वसंत जावळे, भूषण भानुशाली, गजानन उफाडे, हृषिकेश कोल्हे, भाग्यलक्ष्मी क्षीरसागर, जनार्दन वारकर या कवींना गौरवण्यात आले. सूत्रसंचालन गजानन उफाडे यांनी केले. रमाकांत पडवळ यांनी आभार मानले.