बदनामीच्या भीतीने तरुणाची आत्महत्या

पिंपरी, ता. ३ : फोटो मॉर्फ करून, व्हायरल केल्यास बदनामी होईल या भीतीने तरुणाने गळफास घेऊन आत्महत्या केली. ही घटना दिघी येथे घडली.
याप्रकरणी तरुणाच्या भावाने दिघी पोलिस ठाण्यात फिर्याद दिली आहे. त्यानुसार सहा मोबाईलधारकांवर गुन्हा दाखल झाला आहे. आरोपींनी आपसांत संगनमत करून फिर्यादी यांच्या भावाचे फोटो मॉर्फ केले. त्यानंतर फोटो व्हायरल करण्याची धमकी देत त्याच्याकडे पैशांची मागणी केली. वारंवार फोन करून पैशांची मागणी करीत मानसिक त्रास दिला. या त्रासाला कंटाळून तसेच बदनामीच्या भीतीने फिर्यादीच्या भावाने राहत्या घरात पंख्याला ओढणीच्या साहाय्याने गळफास घेऊन आत्महत्या केली.
------------------