शालेय जिल्हास्तर फुटबॉल स्पर्धेमध्ये ‘एस.बी.पाटील’, ‘विद्यानिकेतन’चे विजय

पिंपरी, ता. २७ ः शालेय जिल्हास्तरीय फुटबॉल स्पर्धेमध्ये १७ वर्षांखालील मुलांच्या ‘ड’ गटात एस.बी.पाटील, टाटा मोटर्स विद्यानिकेतन, युरो स्कूल, विस्डम स्कूल आदींनी मंगळवारी पहिल्या फेरीत विजय मिळविले.
पिंपरी-चिंचवड महापालिका आणि जिल्हा क्रीडा परिषदेतर्फे, पिंपरी येथील डॉ.हेडगेवार क्रीडा संकुलाच्या मैदानावर वरील स्पर्धा झाली. स्पर्धा प्रमुख व क्रीडा पर्यवेक्षक बाळाराम शिंदे यांनी संयोजन केले. स्पर्धेच्या पहिल्या सामन्यात एस.बी.पाटील स्कूलने अश्विनी इंटरनॅशनल स्कूलवर २-० असा विजय मिळविला. सत्यम शर्मा, कुणाल कारंडे यांनी प्रत्येकी एकेक गोल नोंदविले. दुसऱ्या सामन्यात टाटा मोटर्स विद्यानिकेतन स्कूलने अद्राईत पवार याच्या एकमेव गोलाच्या जोरावर गोदावरी हिंदी कनिष्ठ महाविद्यालयाला १-० असे पराभूत केले. तिसऱ्या सामन्यात युरो स्कूलने शिवछत्रपती शिवाजीराजे हायस्कूलचा २-१ असा पराभव केला. विजयी संघाकडून आयुष मिश्रा, राजवीर शिंगोटिया यांनी एकेक तर पराभूत संघाकडून सारंग पाटील याने एक गोल केला.
इतर निकाल पुढील प्रमाणे -
विस्डम स्कूल (अद्वेक सिन्हा, विहान भानवत) २ वि.वि. स्टर्लिंग ०; एस.एस.अजमेरा (फरहान शेख) १ वि.वि. मार इव्हानिअस ०; पोदार इंटरनॅशनल (पेनल्टी शूटआउट - ईशान यादव, वेद बिराजे, हर्ष चौधरी, वेदांत रोहकले) ४ वि.वि. मास्टर माइंड ग्लोबल (सोहम, मितांश हातवर, पियुष पाटील) ३; डॉ.डी.वाय.पाटील ( पेनल्टी शूटआउट - शिखर बोरा, कृष्णा नगरे, निर्वाण चुग) ३ वि.वि. साधू वासवानी इंटरनॅशनल (अद्वैत साळुंखे, अभिराज गौतम) २