तळेगाव ते सोमाटणे फाटा रस्त्याकडेला कचऱ्याचे ढीग

तळेगाव दाभाडे (स्टेशन), ता. १० : तळेगाव ते सोमाटणे फाटा या बायपास रस्त्याच्या कडेला कचऱ्याचे ढीग मोठ्या प्रमाणात साचले आहेत. परिसरातील नागरिक या रस्त्याकडेला ओला-सुका कचरा टाकत असल्याने पावसामुळे कचरा कुजून सर्वत्र दुर्गंधी पसरली आहे. तसेच डास व माशांचा प्रादुर्भाव वाढल्याने नागरिकांचे आरोग्य धोक्यात आले आहे. जवळचा रस्ता असल्याने तळेगावातील व सोमाटणे फाटा येथील नागरिक या रस्त्याने ये-जा करतात. त्यांना या कचऱ्याच्या दुर्गंधीचा नाहक त्रास सहन करावा लागत आहे. येथील कचरा संबंधित विभागाने उचलावा, अशी मागणी नागरिकांनी व वाहनचालकांनी केली आहे.

PNE24U25063