‘आयसीएसटीसीइ’चे पिंपरीमध्ये आयोजन डॉ. डी. वाय. पाटील इन्स्टिट्यूट ऑफ टेक्नॉलॉजीचा पुढाकार

पिंपरी, ता. ९ ः डॉ. डी. वाय. पाटील इन्स्टिट्यूट ऑफ टेक्नॉलॉजीच्यावतीने इंटरनॅशनल कॉन्फरन्स ऑन सस्टेनेबल टेक्नॉलॉजिज इन सिव्हिल अँड एन्व्हार्यमेंटल इंजिनिअरिंग (आयसीएसटीसीइ) - २०२४ चे आयोजन केले होते. जगभरातील प्राध्यापक, संशोधक आणि विद्वानांना त्यांचे संशोधन परिणाम आणि घडामोडी एका व्यासपीठावर सादर करण्याच्या दृष्टीने ही परिषद घेण्यात आली. ६ व ७ जून रोजी पार पडलेल्या या परिषदेत स्थापत्य अभियांत्रिकी, पर्यावरण, हरित उर्जा क्षेत्र, वाढत्या शहरीकरणाचे जागतिक परिणाम, हवामान बदल या विषयावर चर्चा झाली. या परिषदेत एकूण निवडक ९० शोधनिबंध सादर करण्यात आले. डॉ. महम्मद ताजुद्दीन (मलेशिया ), डॉ. गोपाळ राय (मुंबई) आणि डॉ. आशिष वर्मा (बंगळूर) या तज्ज्ञांनी मार्गदर्शन केले. डॉ. डी. वाय. पाटील युनिटेक सोसायटीचे अध्यक्ष डॉ. पी. डी. पाटील आणि सचिव डॉ. सोमनाथ पाटील यांच्या मार्गदर्शनाखाली या परिषदेचे आयोजन करण्यात आले होते.

फोटोः 25094