डेंगी-मलेरिया आजारांवरील उपाययोजनांना पालिकेकडून गती

पिंपरी, ता. ५ ः पिंपरी चिंचवड महापालिकेच्या आरोग्य विभागाने डेंगी व मलेरिया यासारख्या आजारांचा प्रादुर्भाव रोखण्यासाठी शहरभर सुरू असणाऱ्या मोहिमेत सहा लाखांपेक्षा अधिक घरांची तपासणी करण्यात आली असून, डासोप्ततीसाठी कारणीभूत ठरणाऱ्या नागरिक व आस्थापनांकडून २९ लाखांपेक्षा अधिक दंड वसूल करण्यात आला आहे. औषध फवारणी, घरांची व कंटेनर तपासणी, भंगार दुकाने व बांधकाम स्थळांची पाहणी यासोबतच जनजागृती व दंडात्मक कारवाईवरही भर दिला जात आहे. याशिवाय घराघरांत माहितीपत्रकांचे वाटप, शाळांमध्ये विद्यार्थ्यांसाठी जनजागृती कार्यक्रम, प्रभागस्तरावर विशेष अभियान, सार्वजनिक ठिकाणी स्वच्छता मोहीम राबवत नागरिकांमध्ये जनजागृती करण्यात येत असल्याची माहिती आयुक्त शेखर सिंह यांनी दिली. आठही प्रभागांत मिळून आतापर्यंत करण्यात आलेली कारवाई

- घरांची तपासणी ः ६, ७७, २२२
- डास उत्पत्ती पोषक ठिकाणे ः ११, ४९०
- कंटेनर तपासणी ः ३६,०४,७२१
- डास वाढीसाठी पोषण कंटेनर ः १२,४४५
- भंगार दुकानांची तपासणी ः १,४९५
- बांधकाम स्थळांवर अस्वच्छता ः १,८१२
- ठिकानांना नोटिसा ः ३,७०६
- आस्थापनांवरील कारवाई ः ८३३
- कारवाईत दंड वसूल ः २९,८०,०००