कविसंमेलातून उलगडले महिलांचे विश्व

पिंपरी, ता. १० : जागतिक महिला दिनानिमित्त पिंपरी चिंचवडमधील स्वयंसिद्धा प्रतिष्ठान व रयत शिक्षण संस्थेच्या महात्मा फुले महाविद्यालयाच्या वतीने कविसंमेलनाचे आयोजन करण्यात आले होते. या कार्यक्रमात डॉ. संगीता अहिवळे यांनी मार्गदर्शन केले. महाविद्यालयाचे प्राचार्य डॉ. पांडुरंग भोसले, स्वयंसिद्धाच्या अध्यक्षा सविता इंगळे, स्वप्ना हजारे, डॉ. कामायनी सुर्वे, नंदकुमार मुरडे, दिनेश भोसले, डॉ. नीलकंठ डहाळे, पांडुरंग लोहटे आदी उपस्थित होते. सविता इंगळे यांनी प्रास्ताविकातून संस्थेची माहिती सांगितली. यावेळी निमंत्रित कवयित्रींच्या कविसंमेलनात चंचल काळे, सुनिती लिमये, चिन्मयी चिटणीस, प्रज्ञा भारस्वाडकर, एकता कारेगावकर, शोभा जोशी, माधुरी विधाते, रजनी आहेरराव, धनश्री गणात्रा, वृषाली वजरीनकर, सीमा गांधी, रेवती साळुंखे यांनी ‘स्त्री’ विषयावरील विविध कविता सादर केल्या. त्याचबरोबर मृणाल जैन, वैजयंती आपटे, जयश्री श्रीखंडे या कवयित्रींनीही कविता सादर केल्या.