पीएमपीची गुरूवारी विशेष दर्शन बस यात्रा

पिंपरी, ता. १४ : पर्यटन बस सेवा उपक्रमांतर्गत पुणे महानगर परिवहन महामंडळ लिमिटेडच्‍या (पीएमपीएमएल) वतीने विशेष दर्शन बस यात्रेचे नियोजन केले आहे. गुरूवारी (ता. २०) स्‍वारगेटवरून ही बस सकाळी साडेआठ वाजता रवाना होणार आहे. या बससेवेत पिंपरी-चिंचवड शहरातील प्रमुख मंदिरांसह आळंदी येथे संत श्री ज्ञानेश्‍वर महाराज, देहू येथे संत श्री तुकाराम महाराजांचे दर्शन घेता येणार आहे. गुरूवारी (ता. २०) स्‍वारगेटवरून ही बस रवाना होणार आहे. ही बस चिंचवड येथील मोरया गोसावी समाधी मंदिर, रावेत येथील इस्‍कॉन मंदिर, शिरगाव येथील श्री साई मंदिर प्रतिशिर्डी, देहू येथील विठ्ठल मंदिर, वैकुंठ गमन मंदिर, गाथा मंदिर, आळंदी येथील गजानन महाराज मठ, संजीवन समाधी मंदिर आदी ठिकाणी थांबणार आहे.