चिखलीत दोन गटात हाणामारी

दोन गटांत हाणामारी, चिखली येथील प्रकार

पिंपरी, ता.१८ : किरकोळ कारणावरून दोन गटांत मारहाण झाली. ही घटना चिखली येथे घडली. या प्रकरणी परस्परविरोधी गुन्हे दाखल करण्यात आले आहेत.
अक्षय जाधव (वय २६, रा. रुपीनगर) यांनी दिलेल्या फिर्यादीनुसार अजय हरिजन (वय २५, रा. मोरेवस्ती चिखली) आणि त्याच्या दोन साथीदारांवर गुन्हा दाखल झाला आहे. अजय आणि त्याच्या दोन साथीदारांनी फिर्यादी अक्षय यांच्या नातेवाईकाला शिविगाळ केली. हे वाद मिटवण्यासाठी फिर्यादी गेले असता, आरोपीने दगड मारला आणि साथीदारांनी मारहाण केली. तर, अजय यांनी दिलेल्या फिर्यादीनुसार, अक्षय आणि दोन साथीदारांवर गुन्हा दाखल झाला आहे. अजय हे मित्र रोहित नकवाल याच्या घरी कार्यक्रमासाठी गेले होते. तिथे आरोपींनी अजयचा मित्र कमलेशसोबत वाद घालत मारहाण केली. आरोपी अक्षय आणि त्याच्या दोन साथीदारांनी पुन्हा मोरेवस्ती चिखली येथे येऊन अजय यांच्याशी वाद घालत मारहाण केली.