सोमाटण्यात उद्योजक महिलांचा होणार सन्मान

सोमाटणे, ता. २६ : ऋषीपंचमीनिमित्त डोळसनाथ नागरी सहकारी पतसंस्थेच्या वतीने अथर्व पठण व महिला गौरव समारंभाचे आयोजन करण्यात आले आहे. डोळसनाथ पतसंस्थेच्या वतीने गेल्या अनेक वर्षांपासून गणेशोत्सवानिमित्त गोरक्षनाथ मठ येथे महिलांचे अथर्व पठन घेतले जाते. या उपक्रमाअंतर्गत नव्याने उद्योग व्यवसायात उतरून यशस्वीपणे पुढे जाणाऱ्या व सामाजिक कार्य करणाऱ्या महिलांचा विशेष सन्मान केला जातो. या वर्षीचा हा उपक्रम येत्या गुरुवारी (ता. २८) सकाळी आठ वाजता सोमाटणे येथे केला जाणार आहे. पतसंस्थेचे सचिव संतोष भेगडे, अध्यक्ष शरद भोगाडे यांच्यासह सर्व संचालकांच्या संकल्पनेतून हा उपक्रम सरू करण्यात आला आहे. महिलांनी मोठ्या संख्येने सहभागी व्हावे, असे आवाहन पतसंस्थेच्या वतीने करण्यात आले आहे.
---