हातात पिस्तूल घेतलेला व्हिडिओ व्हायरल करणाऱ्यास अटक

पिंपरी, ता. २९ : पिस्तूल घेतलेली चित्रफीत समाज माध्यमावर प्रसारित केलेल्या एका तरुणाला सांगवी पोलिसांनी अटक केली आहे. ही घटना जुन्या सांगवीतील जिल्हा रुग्णालयाजवळील पाण्याच्या टाकीजवळ घडली.
ओम ऊर्फ नन्या गायकवाड (वय २१, रा. संगमनगर, जुनी सांगवी) असे अटक केलेल्या आरोपीचे नाव आहे. तर आशिष वाघमारे (नवी सांगवी) याच्यावर गुन्हा दाखल झाला आहे. गायकवाडच्या हातात पिस्तूल असलेली चित्रफीत समाज माध्यमावर प्रसारित झाली होती. पोलिसांनी त्याच्याकडे चौकशी केली असता, त्याने ती चित्रफीत स्वतःची असल्याचे कबूल केले. चित्रफीतीतील विनापरवाना पिस्तूल त्याचा मित्र वाघमारे याचे असल्याचे सांगितले. मात्र, पोलिसांच्या भीतीने त्याने पिस्तूल लपविण्यासाठी दिल्याचे गायकवाडने सांगितले. त्याने लपवून ठेवलेले ३० हजार रुपये किमतीचे पिस्तूल आणि एक काडतूस पोलिसांनी जप्त केले.