प्रेमप्रकरणावरून मारहाणीत पिंपळे गुरवला तरुणाचा मृत्यू

पिंपरी, ता. ३० : प्रेमप्रकरणाच्या संशयावरून पिंपळे गुरवमधील देवकर पार्क येथे अकरा जणांनी केलेल्या मारहाणीत तरुणाचा मृत्यू झाला. रामेश्वर घेंगट (वय २६) असे मृताचे नाव आहे. याप्रकरणी सांगवी पोलिसांनी खुनाचा गुन्हा दाखल करून नऊ जणांना अटक केली. याप्रकरणी मृताचे वडील रवी घेंगट (रा. शूरवीर चौक, ताडीवाला रोड, बंडगार्डन, पुणे) यांनी फिर्याद दिली. त्यावरून पोलिसांनी प्रशांत खोकर, करण खोकर (दोघे रा. कोंढवा), सुरेंद्र सारसर, प्रशांत सारसर, सागर सारसर (सर्व रा. संत तुकाराम नगर, पिंपरी), अक्षय सारसर, (रा. सोमवार पेठ, पुणे), युवराज सोळंकी (रा. स्वारगेट, पुणे) यांच्यासह दोन महिलांना अटक करण्यात आली. याशिवाय नवीन पिवाल (रा. देवकर पार्क, पिंपळे गुरव) व विनोद सोळंकी (रा. लोहगाव, पुणे) यांच्यावर गुन्‍हा दाखल करण्यात आला.
रामेश्वरचे आपल्या एका नातेवाईक तरुणीशी प्रेमप्रकरण असल्याचा आरोपींना संशय होता. यावरून आरोपींनी फिर्यादीला चर्चेसाठी बोलावले. फिर्यादी पत्नी व मुलासह येथे आले. आरोपींनी रामेश्वरला एका घरात बंद करून लाथाबुक्क्यांनी व पट्ट्याने बेदम मारहाण केली. त्यानंतर दोरीने त्याचा गळा आवळण्यात आला. यात रामेश्वर गंभीर जखमी झाला. रुग्णालयात उपचारादरम्यान त्याचा मृत्यू झाला.
----------------