रावेतला नदी पात्रात मृतदेह आढळला

पिंपरी, ता. ३१ : रावेतमधील पवना नदीपात्रात बंधाऱ्याच्या खालील बाजूस रविवारी सकाळी एका व्यक्तीचा मृतदेह आढळला.
राहुल कटके (वय ४६, रा. काळेवाडी लिंक रोड, तानाजी नगर, चिंचवडगाव) असे मृत व्यक्तीचे नाव आहे. नदी पात्रात एक मृतदेह तरंगत असल्याची माहिती रावेत पोलिसांना मिळाली. त्यानुसार पोलिसांनी घटनास्थळी पोहोचत मृतदेह बाहेर काढला. मृताच्या पॅन्टच्या खिशात मोबाईल व पाकिट होते. त्या पाकिटात आधार कार्ड, पॅन कार्ड व वाहन परवाना मिळाल्याने मृताची ओळख पटली. मृताच्या उत्तरीय तपासणीत संशयास्पद काही आढळले नसल्याचे वरिष्ठ पोलिस निरीक्षक नितीन फटांगरे यांनी सांगितले.