सोमाटणे, चांदखेडमध्ये गणपतीला निरोप

सोमाटणे, ता. ३ : पवनमावळ पूर्व भागातील सोमाटणे, चांदखेड येथे प्रथेप्रमाणे सात दिवसांचा गणेशोत्सव साजरा केला जातो. या मंगलमय वातावरणानंतर गणरायाचे मंगळवारी (ता.३) विसर्जन करण्यात आले. यावेळी ढोल-ताशांच्या निनाद करण्यात आला.
गणपतीपाठोपाठ विराजमान झालेल्या गौराईंना सोमवारी महानैवद्य दाखवण्यात आला. यनंतर विविध धार्मिक कार्यक्रमांनी ग्रामस्थांनी गौरी-गणपतीचे विसर्जन केले. मंगळवारी सायंकाळी सातच्या सुमारास चांदखेड, सोमाटणे येथील मंडळांनी गणरायाच्या मिरवणुका काढल्या. रात्रीपर्यंत हा उत्साह कायम होता. सोमाटणे येथील मंडळांनी पवना नदीत, तर चांदखेड ग्रामस्थांनी आढले नदीत गणरायाचे विजर्सन केले.