पीएमआरडीएकडे वृक्षतोडीसाठी अर्ज

पिंपरी, ता. ३ : पुणे महानगर प्रदेश विकास प्राधिकरणाकडे (पीएमआरडीए) विविध बांधकाम व विकास प्रकल्पांसाठी वृक्षतोडीचे अर्ज दाखल झाले आहेत. या संदर्भात पीएमआरडीएने जाहीर नोटीस प्रसिद्ध केली आहे. एकूण सहा प्रकल्पांसाठी १२९ वृक्ष तोडण्यासाठी परवानगीचे अर्ज आले असून नवे वृक्ष लावण्याची हमी देण्यात आल्याचे नोटिशीत नमूद आहे. पिंपरी-चिंचवड, शिरूर, मुळशी आणि हवेली तालुक्यांतील विविध प्रकल्पांसाठी हे अर्ज आले आहेत. त्यामध्ये उपविभागीय अभियंता (प्रा.) महाराष्ट्र जीवन प्राधिकरण उपविभाग पुणे, मंडल अधिकारी निमोणे आणि पाबळ आदींसह काही खासगी बांधकाम प्रकल्पांचा समावेश आहे. नागरिकांनी याबाबत लेखी स्वरूपात सार्वजनिक हरकती व सूचना आकुर्डीतील पीएमआरडीए कार्यालयात १५ दिवसांत सादर कराव्यात, असे आवाहन करण्यात आले आहे.
----