प्रौढ साक्षरता वर्गाचे निगडी येथे उद्घाटन

पिंपरी, ता. ६ : क्रांतिज्योती सावित्रीबाई फुले संस्था, रोटरी क्लब यांच्या वतीने सौ. जयश्री दिलीप निंबारकर प्राथमिक व माध्यमिक विद्यालयात प्रौढ साक्षरता वर्गाचे उद्घाटन करण्यात आले. संस्थेच्या अध्यक्षा जयश्री निंबारकर, तसेच इनरव्हील क्लब ऑफ निगडीचे अध्यक्ष केशव मनगे, रोटरी क्लब ऑफ निगडीचे कमलजीत कौर, अमोल जाधव, दिलीप जाधव, ॲड. आरती जाधव, प्रकल्प समन्वयक आयुष निंबारकर, मुख्याध्यापक स्नेहल पारखे उपस्थित होते. यावेळी परिसरातून प्रौढ निरक्षरांना पाटी, पेन्सिल, सचित्र उजळणी, वही, पेन आदी साहित्य देण्यात आले. ॲड. आरती जाधव यांनी कार्यक्रमाची रूपरेषा मांडली व मार्गदर्शन केले. निंबारकर यांनी सर्वांना शुभेच्छा दिल्या. उपशिक्षक धनंजय जगताप यांनी सूत्रसंचालन केले.