जुन्या भांडणातून तरुणावर प्राणघातक हल्ला

पिंपरी, ता. १८ : जुन्या भांडणातून एका तरुणावर प्राणघातक हल्ला करण्यात आला. तसेच धमकी देत तिघांनी परिसरात दहशत पसरवली. हा प्रकार पूर्णानगर, चिंचवड येथे घडला.
या प्रकरणी सूरज घोडे (रा. कल्पतरू सोसायटी, घरकुल) यांनी चिखली पोलिस ठाण्यात फिर्याद दिली आहे. त्यानुसार पोलिसांनी आशुतोष कदम (वय २८), राजा हजारे (वय २८, दोघे रा. घरकुल, चिखली) आणि शैलेश गायकवाड उर्फ बन्या (वय ३०, रा. थेरगाव) यांना अटक केली आहे. फिर्यादी हे त्यांच्या मित्रांसोबत एका हॉटेलमध्ये होते. तेव्हा आरोपी तिथे आले. तेव्हा जुन्या भांडणाच्या रागातून आशुतोष याने ग्लास आणि बाटली फिर्यादीच्या डोक्यात मारली. दरम्यान, फिर्यादी यांचे मित्र अविनाश, धीरज आणि गणेश यांनी आशुतोषला पकडले असता, राजा याने फिर्यादीच्या डोक्यात बाटली मारली.