रोटरी क्लब ऑफ प्राधिकरणची कार्यकारणी जाहीर

पिंपरी, ता. १८ : रोटरी क्लब ऑफ प्राधिकरणची कार्यकारिणी (२०२५-२६) नुकतीच जाहीर झाली आहे. अध्यक्षपदी दीपा जावडेकर व सेक्रेटरीपदी डॉ. महेश पाटील यांची निवड झाली आहे. क्लबच्या कार्यकारी मंडळाचाही पदग्रहण सोहळा वाल्हेकरवाडी येथे पार पडला. या सोहळ्यात नियोजित रोटरीचे प्रांतपाल नितीन ढमाले, नियोजित प्रांतपाल चारू श्रोत्री, सहायक प्रांतपाल रविकिरण केसरकर यांच्यासह सदस्य उपस्थित होते. मावळते अध्यक्ष अजय लंके यांनी कार्यभार जावडेकर यांच्याकडे सोपवला.
नव्या कार्यकारिणीत भालचंद्र शितोळे (खजिनदार), दीपा लंके (क्लब ॲडमिन), विवेक अगरवाल (सदस्य संचालक), शशिकांत पांडे (सहसचिव), भूषण ढाके (प्रकल्प संचालक), सारिका रोडे (संचालक), डॉ. विवेक नेमाडे (वैद्यकीय संचालक), संजय कुमार (आयटी संचालक), अजय लंके, शिबा रॅफेएल, रजनी दुवेदी, सुनील कुलकर्णी यांचा समावेश आहे.