वृक्षारोपणसाठी सज्ज व्हा! वेळ राखून ठेवा!

वृक्षारोपणसाठी सज्ज व्हा! वेळ राखून ठेवा!

Published on

पिंपरी, ता. १८ : सर्व प्राण्यांना जगण्यासाठी आवश्यक असतो प्राणवायू,म्हणजे ऑक्सिजन अर्थात हवा आणि पाणी. हे दोन्ही घटक असतील तर अन्न पिकवता येईल. प्रदूषण नियंत्रणात राहील. पृथ्वी सूजलाम् सुफलाम् होईल. त्यासाठी झाडे लावणे आणि जगवणे आवश्यक आहे. त्याचाच एक भाग होण्याची संधी ‘सकाळ’ आणि ‘यशदा रिॲलिटी’ यांनी रविवारी (ता. २४) आणली आहे. त्‍यामुळे वृक्षारोपणासाठी येणारा रविवारी राखून ठेवा आणि कुटुंबासह या!

‘यशदा रिॲलिटी’ हे बांधकाम क्षेत्रातील नामांकित नाव आहे. ग्राहकांना परवडतील असे गृहप्रकल्प उभारून त्यांच्या स्वप्नातील घरे उपलब्ध करून द्यायचे, हा त्यांचा प्रमुख उद्देश असला, तरी निसर्ग आणि समाजाचे आपण काही तरी देणे लागतो, या भावनेतून ‘वृक्षारोपण आणि संवर्धनाचा’ वसा त्यांनी घेतला आहे. ‘सकाळ’ माध्यम समूहाची साथ त्यांना लाभली आहे. ‘एक सदनिका, एक झाड’ अर्थात ‘एक कुटुंब, एक झाड’ अशी ही संकल्पना घेऊन वृक्षारोपण केले जाणार आहे.

तीन वर्षे राखणार निगा
बहुतांशवेळा सण, समारंभ वा विशेष दिन आला, की अनेकजण वृक्षारोपण करतात आणि विसरून जातात. त्या वृक्षांकडे, त्यांच्या संरक्षण व संवर्धनाकडे दुर्लक्ष होते. परिणामी, वृक्षारोपणाचा उद्देश सफल होत नाही. मात्र, ‘सकाळ’ आणि ‘यशदा रिॲलिटी’ यांनी वृक्ष लागवडीसह त्यांची पुढील तीन वर्षे निगा राखण्याचा संकल्प केला आहे. त्यासाठी नैसर्गिक खत, पाण्याची व्यवस्था केली जाणार आहे. ‘यशदा रिॲलटी’च्या ग्राहकांच्या हस्ते त्यांच्या कुटुंबीयांच्या उपस्थितीत वृक्षारोपण केले जाणार आहे. सुमारे दोन हजार झाडे लावण्याचे उद्दिष्ट आहे. शिवाय, यापूर्वी विक्री केलेल्या सदनिकाधारकांच्या हस्तेही वृक्षारोपण केले जाणार आहे.

संतांच्या साक्षीने उपक्रम
पर्यावरण संवर्धन आणि वृक्षांचे महत्त्व संतांनी अधोरेखित केले आहे. शिवाय, यावर्षी संत ज्ञानेश्वर माउली यांचा ७५० वा जन्मोत्सव आणि संत तुकाराम महाराज यांचा ३७५ वा वैकुंठगमन सोहळा साजरा केला जात आहे. याचे औचित्य साधून ‘सकाळ माध्यम समूह’ आणि ‘यशदा रिॲलिटी यांच्यातर्फे वृक्षारोपण उपक्रम आयोजित केला आहे. त्यामध्ये सर्वांना सहभागी होण्याचे आवाहन केले आहे. त्याला प्रतिसाद देत अनेक नागरिक कुटुंबासह या उपक्रमात सहभागी होत आहेत.
अधिक माहितीसाठी संपर्क : अक्षय - ९५६१३१४६७९

नागरिक म्हणतात...
मायेच्या निसर्गाने आपल्याला खूप काही दिले आहे. आणि यशदा रिॲलिटी ग्रूपने तिच्यासाठी परतफेड म्हणून तिला जपण्याचा आणि आशीर्वाद देण्याचा जो महान उपक्रम हाती घेतला आहे, तो खरोखरच कौतुकास्पद आहे.
- भोजराज केसवानी, यशदा फ्लोरेंझा

वृक्षारोपण उपक्रमात ५०० हून अधिक झाडे लावली जाणार आहेत. हा उपक्रम वृक्षारोपणापुरता मर्यादित नसून, आपल्या समाजाशी व पर्यावरणाशी अधिक खोलवर नाळ जोडून एक चिरंतन वारसा निर्माण करण्याची संधी देतो.
- सुशीलकुमार वाघमारे, खजिनदार, यशदा स्प्लेंडिड लेकव्हिव

‘मैत्री’ उपक्रमाद्वारे ‘एक कुटुंब, एक झाड’ ही संकल्पना राबवून वृक्ष लागवड केली जाणार आहे. पर्यावरणपूरक जीवनशैलीकडे वाटचाल करण्यासाठी जनजागृती करत हरित मैत्रीची ही नवी सुरुवात आहे. जास्तीत जास्त कुटुंबांनी यामध्ये सहभाग घ्यावा.
- ॲड. उमेश खंदारे, चेअरमन, यशदा फ्लोरेन्झा

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com