इंद्रायणीनगर, मोशीसह चऱ्होलीत आज पाणी बंद

पिंपरी, ता. १९ ः महापालिकेच्या चिखली जलशुद्धीकरण केंद्राला वीजपुरवठा करणाऱ्या महापारेषणच्या भोसरी उपकेंद्रात गुरुवारी सकाळी दहा ते सायंकाळी सहा या वेळेत देखभाल व दुरुस्तीची कामे केली जाणार आहेत. त्यामुळे वीजपुरवठा खंडित राहणार आहे. परिणामी पाणीपुरवठा बंद राहील. त्यामुळे गुरुवारी बोऱ्हाडेवाडी, इंद्रायणीनगर सेक्टर चार, सहा, नऊ, अकरा व बारा, शिवरस्ता, चक्रपाणी वसाहत, धावडेवस्ती, मोशी, चऱ्होली, डुडुळगाव, चोवीसावाडी परिसरातील पाणीपुरवठा बंद राहणार आहे. या भागात शुक्रवारी सकाळचा पाणीपुरवठा अनियमित व कमी दाबाने होण्याची शक्यता आहे. तरी सर्व नागरिकांनी सहकार्य करावे, असे आवाहन महापालिकेने केले आहे.