निवडणूक कामामुळे आज ‘जनसंवाद’ रद्द

पिंपरी : महापालिकेचे प्रशासकीय पातळीवर निवडणुकीचे कामकाज सुरू आहे. यात सध्या अनुषंगाने प्रारूप मतदार याद्यांवरील हरकती सूचना आणि तक्रारी स्वीकारण्याचे कामकाज सुरू आहे. त्यामुळे सोमवारी (ता.२४) होणारी जनसंवाद सभा रद्द करण्यात आली आहे, अशी माहिती आयुक्त श्रावण हर्डीकर यांनी दिली. महापालिका कार्यक्षेत्रातील विधानसभा मतदारसंघांची मतदार यादी प्रभागनिहाय विभाजित करून प्रारूप मतदार यादी प्रसिद्ध केली आहे. त्या वर नागरिकांना हरकती व सूचना दाखल करण्यासाठी २७ नोव्हेंबरपर्यंतचा कालावधी दिला आहे. या कामकाजासाठी सर्व क्षेत्रीय अधिकाऱ्यांसह इतरही अधिकारी कर्मचाऱ्यांची नियुक्त केली आहे. हे कामकाज महत्त्वाचे आणि कालमर्यादित असल्याने जनसंवाद सभा रद्द केली आहे.