ज्ञान ध्येय फाउंडेशनकडून आदिवासी बांधवांना मदतीचा हात

पिंपरी, ता. १३ ः ज्ञानध्येय फाउंडेशन आणि एशियन मशीन टूल कॉर्पोरेशन यांच्या वतीने रतन टाटा यांच्या पुण्यस्मरण दिनानिमित्त मुळशीतील शेरे गावातील आदिवासी बांधवांना दिवाळीनिमित्त अन्नधान्य वाटप करून सामाजिक बांधीलकी जपली. यावेळी कंपनीचे संचालक हेमंत सोनार, मुख्य लेखाधिकारी जगदीश शेळके, सुनील कबाडे, शंकर पांढरे, दीपक मंथन, शुभम गायके, रूपेश साठे, अनिकेत आहेर, राकेश गावडे, माधवी मोदी तसेच ग्रामस्थ मनोज ढमाले, रूपेश जाधव, माउली गोळे आदी उपस्थित होते. याप्रसंगी कंपनीचे व्यवस्थापकीय संचालक राहुल नरूटे म्हणाले कि, ‘‘आम्ही २०१२ पासून दरवर्षी आमचा वर्धापनदिन समाजोपयोगी कार्य करत साजरा करत आलो आहोत. या वर्षीपासून रतन टाटा यांच्या स्मृतीदिनानिमित्त दरवर्षी ९ ऑक्टोबरला सामाजिक कार्य करण्याचा संकल्प केला आहे.’’
---