भटके, विमुक्त व मायक्रो ओबीसींची उद्या बैठक

पिंपरी, ता. १३ : भटके, विमुक्त, मायक्रो ओबीसी, एसबीसी तसेच बलुतेदार तसेच ओबीसी कार्यकर्त्यांची चिंतन बैठक गुरुवारी (दि. १६) दुपारी एक वाजता मोरवाडी येथे आयोजित करण्यात आली आहे.
हैद्राबाद गॅझेटिअरच्या आधारे मराठा समाजाला कुणबी प्रमाणपत्र देणाऱ्या शासनाच्या अध्यादेशाला विरोध, तसेच न्यायमूर्ती रोहिणी आयोगाच्या शिफारशींची अंमलबजावणी या बैठकीत प्रमुख चर्चेचे विषय असतील. याशिवाय ओबीसी विकास मंडळे कार्यान्वित करणे, पूरग्रस्त शेतकऱ्यांना मदत व कर्जमाफी, तसेच ग्रामीण बलुतेदारांच्या प्रश्नांचे निराकरण याबाबतही चर्चा होणार आहे. हॉटेल घरोंदा येथे होणाऱ्या बैठकीला कल्याणराव दळे, सतीश दरेकर, चंद्रकांत गवळी, शशिकांत आमणे, विशाल जाधव, संजय कदम, अजय रंधवे आदी उपस्थित राहणार आहेत. कार्यक्रमाचे निमंत्रक प्रतापराव गुरव आहेत.