आकुर्डी, चिंचवडमध्ये वीज वारंवार ठप्प

पिंपरी, ता. १७ : आकुर्डी आणि चिंचवड स्टेशन परिसरात सातत्याने विजेचा लपंडाव सुरू आहे. यामुळे उद्योग-व्यावसायिक आणि घरगुती ग्राहक वैतागले आहेत.
या प्रकाराबाबत स्थानिक नागरिकांनी माहिती दिली आहे. प्रामुख्याने आकुर्डीतील दत्तवाडी, विठ्ठलवाडी, विवेकनगर, तुळजाभवानी वस्ती, एकता नगरसह, काळभोरनगर, रोज वारंवार वीज पुरवठा खंडित होत आहे. येणाऱ्या काळात मुलांच्या सहामाही परीक्षा आहेत. तर, काही कर्मचारी ‘वर्क फ्रॉम होम’ करतात. परंतु वारंवार वीज पुरवठा खंडीत होत असल्याने त्यांचे नियोजन विस्कळित होत आहे. दररोज तीन ते चार तास वीज पुरवठा खंडित होत असल्याचे नागरिकांनी सांगितले.
वीज पुरवठ्याबाबत महावितरणच्या टोल फ्री क्रमांकावर फोन केला असता प्रतिसाद मिळत नाही, असा आरोप नागरिकांनी केला आहे. .वीज बिल नियमित भरणाऱ्या नागरिकांना पुरेसा वीजपुरवठा उपलब्ध करून द्यावा, अशी मागणी नागरिकांनी केली आहे.