आंतरशालेय किक बॉक्सिंग स्पर्धेत शरयू म्हात्रेला सुवर्णपदक

पिंपरी, ता. २९ : आंतरशालेय किक बॉक्सिंग स्पर्धेत १७ वर्षांखालील ५० किलोंवरील वजन गटात शरयू संतोष म्हात्रे हिने सुवर्णपदक पटकावले. या स्पर्धा पुणे जिल्हा परिषद व पिंपरी चिंचवड महानगरपालिका यांच्यावतीने संत ज्ञानेश्वर महाराज क्रीडा संकुल, इंद्रायणीनगर, भोसरी येथे पार पडल्या.
शरयू ही गेल्या सहा वर्षांपासून संत तुकारामनगर येथील ‘आर्यन्स मार्शल आर्ट् स’ या संस्थेमध्ये नियमित सराव करत आहे. ती महाराष्ट्र प्रशिक्षक संतोष म्हात्रे यांच्या मार्गदर्शनाखाली खेळत आहे. सध्या ती पिंपरी येथील जय हिंद स्कूलमध्ये इयत्ता नववीमध्ये शिक्षण घेत आहे. तिच्या या कामगिरीमुळे तिची निवड आता शालेय विभाग स्तरावर झाली आहे.