जादा नफ्याच्या आमिषाने एकाला ६३ लाखांचा गंडा

पिंपरी, ता. २९ : शेअर मार्केटमधील गुंतवणुकीवर जादा नफ्याचे आमिष दाखवून एका व्यक्तीची ६३ लाख ९३ हजार रुपयांना फसवणूक केल्याप्रकरणी सायबर पोलिसांनी दोघांना अटक केली. प्रथमेश भुसे (वय २३, रा. लोहगाव, मूळ रा. अहिल्यानगर), सचिन मोरे (वय ३४, रा. आदर्शनगर, दिघी) अशी आरोपींची नावे आहेत. भुसेच्या बँक खात्यावरून एक कोटी १५ लाख गैरवापर केल्याचे ८५ हजार रुपयांचा व्यवहार झाला त्याबाबत इतर राज्यांतील मिळून दहा तक्रारी प्राप्त आहेत. तक्रारदाराने पैसे पाठवलेल्या बँक खात्याबाबत पोलिसांनी चौकशी केली. हे खाते मातोश्री पॅथॉलॉजी लॅबोरेटरीच्या नावे असून केवायसी भुसेची असल्याचे उघड झाले. त्याने मोरेच्या साथीत गुन्हे केल्याचे मान्य केले. त्यांनी तक्रारदाराचे पैसे बँकेतून रोख स्वरूपात काढून फसवणूक केली.
-----------------------