शहरात कोजागरी उत्साहात साजरी
पिंपरी,ता. ६ ः देवीच्या मंदिरांमध्ये दर्शनासाठी झालेली गर्दी, नागरिकांनी सहकुटुंब केलेला जेवणाचा बेत, त्यानंतर १२ वाजेपर्यंत रंगलेल्या गप्पा, सोसायट्यांमध्ये आयोजित विविध कार्यक्रम, बारा वाजता पौर्णिमेच्या चंद्राला नैवेद्य दाखवून घेण्यात आलेला मसाला दुधाचा आनंद अशा वातावरणात शहरात कोजागरी पौर्णिमा उत्साहात करण्यात आली. शहरातील सार्वजनिक मंडळे, गृहनिर्माण सोसायट्या, कॉलनी यांच्याकडून कोजागरी पौर्णिमेनिमित्त विविध कार्यक्रमांचे आयोजन करण्यात आले होते.
आश्विन पौर्णिमा ही कोजागरी पौर्णिमा म्हणून ओळखली जाते. या दिवशी देवीचा जन्म झाल्याची मान्यता आहे. त्यामुळे हिंदू धर्मात या पौर्णिमेला पौराणिक महत्त्व आहे. तसेच कोजागरी पौर्णिमेचा चंद्र हा अमृतासारखा असतो असे मानले जाते. म्हणूनच या दिवशी चंद्राच्या प्रकाशात दूध किंवा बासुंदीचे सेवन केले जाते. शहरातील अनेक मंदिरांमध्ये कोजागरी पौर्णिमेला शारदीय नवरात्रीची सांगता होते. त्यामुळे सोमवारी (ता.६) शहरातील विविध भागातील देवीच्या मंदिरांमध्ये नागरिकांनी दर्शनासाठी मोठी गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.