गुढीपाडव्यानिमित्त आनंदाला उधाण

चैत्र शुद्ध प्रतिपदा अर्थात गुढीपाडवा. हिंदू नववर्षाचा पहिला दिवस. साडेतीन मुहूर्तांपैकी एक. नवचैतन्याचा सण. हा सण रविवारी (ता.३०) मोठ्या थाटामाटात आणि आनंदात सर्वत्र साजरा केला गेला. यमुनानगर येथे अनेक महिला व शालेय विद्यार्थी सकाळीच मिरवणुकीत पारंपरिक तसेच थोर संतांच्या वेशभूषेत दिसत होते. ज्येष्ठांपासून ते लहानांपर्यंत मुली हातात लेझीम घेऊन सहभागी झाल्या. अनेक तरुणी ढोल - ताशांच्या गजरात थिरकताना दिसत होत्या. टाळकरी लहान मुलांनी विविध खेळ सादर करून उपस्थितांची मने जिंकली; तर केरळी वाद्यवृंदानी देखील मिरवणुकीत रंगत आणली. त्याचीच ही चित्रमय झलक. (रितेश छपरीबंद : सकाळ छायाचित्रसेवा)