सकाळ संवाद

झाडांच्या वाढीस कुंपणाचा अडथळा

झाडांना कुंपण हे त्यांच्या सुरक्षेसाठी असतात, मात्र तेच कुंपण पूर्ण वाढ झालेल्या अनेक झाडांसाठी अडचणीचे ठरत आहेत. भारतमाता चौक मोशी येथील पदपथालगत वड, पिंपळ अशी झाडे लावलेली आहेत. ही झाडे डेरेदार बहरली आहेत, मात्र बुंध्याशी असलेले ट्री गार्ड त्यांचे खोड वाढण्यास अडचण निर्माण करत आहेत. वेळीच हे ट्री गार्ड काढून न टाकल्यास झाडे कोलमडून पडतील.
-सुनील ढोबे, मोशी
PNE25V63344

पदपथावरील गाडी हटवावी
वाकड येथील कस्पटे चौक ते जगताप चौक या रस्त्याच्या कडेच्या पदपथावर एक गाडी दिवस भर उभी असते. त्यामुळे नागरिकांना पदपथ सोडून खाली रस्त्यावर उतरून चालावे लागते. त्यामुळे नेहमी अपघात होतात. ही गाडी प्रशासनाने तातडीने हटवावी.
-अशोक ललगुनकर, वाकड
PNE25V63343

वाहतूक कोंडीने नागरिक त्रस्त

चिंचवड येथील चापेकर चौकाकडे जाणाऱ्या मार्गावर दररोज होणाऱ्या वाहतूक कोंडीमुळे नागरिकांना त्रास सहन करावा लागत आहे. या परिसरात सराफाचे आणि इतर दुकाने असल्याने लोक वाहने रस्त्याच्या मधोमध बेशिस्तपणे उभी करतात त्यामुळे दुतर्फा वाहतूक विस्कळित होते. तसेच मार्गावर असलेल्या यूर्टनमुळे कोंडी अधिक वाढते आणि सायंकाळी परिस्थिती गंभीर बनते. या ठिकाणी आरटीओचे कर्मचारी उपस्थित नसल्याने, या समस्येकडे दुर्लक्ष केले जात आहे.
-एक नागरिक चिंचवड
PNE25V63342

पोस्टल कॉलनीजवळ रस्त्यावर राडारोडा

वाकड येथील दत्त मंदिर रस्ता पोस्टल कॉलनी जवळ अनेक महिन्यांपासून रस्त्यावर दुभाजके, राडारोडा, कचरा, घाण, चिखल साचून आहेत. यामुळे वाहतुकीस अडचण निर्माण होत आहेत. या ठिकाणी कोणतेही विकास काम चालू नाही. महापालिकेस वारंवार कळवून देखील दखल घेतली जात नाही. रस्त्यावरील राडारोडा महापालिकेने हटवून रोड स्वच्छ करावा.
-दिलीप बाफना, वाकड
PNE25V63341