पालिका निवडणुकीची सोडत ११ नोव्हेंबरला

पिंपरी, ता. ३१ ः आगामी निवडणूकीसाठी पिंपरी-चिंचवड महापालिकेची आरक्षण सोडत येत्या ११ नोव्हेंबर रोजी जाहीर करण्यात येईल. चिंचवड येथील प्रा. रामकृष्ण मोरे प्रेक्षागृहात हा कार्यक्रम होईल. सोडतीचा निकाल तात्काळ राज्य निवडणूक आयोगाकडे ई-मेलद्वारे मान्यतेसाठी पाठविण्यात यावा, असे आदेश आयोगाने दिल्याचे महापालिका अतिरिक्त आयुक्त प्रदीप जांभळे पाटील यांनी सांगितले. या निवडणुकीसाठी प्रभाग रचना पूर्विचीच असल्यामुळे आरक्षणात फारसा बदल होणार नाही, मात्र प्रभाग क्रमांक २४ मधील रद्द झालेले अनुसूचित जाती प्रवर्गाचे आरक्षण कोणत्या प्रभागात पडणार, याची उत्सुकता कायम आहे. २०१७ च्या निवडणुकीत ३२ प्रभाग होते. त्यावेळी सर्वसाधारण आणि महिलांच्या अनुसूचित जाती प्रवर्गासाठी २०, अनुसूचित जमाती तीन, नागरिकांचा मागासवर्ग प्रवर्ग ३५ आणि सर्वसाधारण ७० अशा एकूण १२८ जागांसाठी लढत झाली होती.
-----