जैन स्थानकात दीक्षा दिन समारंभ उत्साहात

पिंपरी, ता. ३ : महर्षी आनंद सेवा भक्ती प्रतिष्ठानचे प्रणेता प्रशांतऋषीजी महाराज आणि विजय स्मिताजी महासतीजी यांचा दीक्षा दिन समारंभ उत्साहात पार पडला.
जैन स्थानकात आयोजित करण्यात आलेल्या समारंभाचे आयोजन श्री वर्धमान जैन स्थानकवासी, श्रावक संघ दापोडी आणि सहयोगी संघ कासारवाडी, पिंपळे गुरव, पिंपळे सौदागर, सांगवी, औंध, बोपोडी, खडकी यांच्या सहयोगाने करण्यात आले. संघाचे अध्यक्ष दिलीप भन्साळी यांनी प्रास्ताविक केले. दीक्षा दिनानिमित्त लता पगारिया, पी. एम. जैन, अशोक पगारिया, रवींद्र बलाई, सागर सांखला, जवाहरलाल बोथरा, पुष्पा कर्नावट, ललिता लुंकड यांनी शुभेच्छा दिल्या. प्रशांतऋषीजी महाराज यांनी प्रवचनाच्या माध्यमातून मार्गदर्शन केले. महासतीजी विजय स्मिताजी महाराज यांनी प्रशांतऋषीजी महाराज यांच्या जीवनकार्यावर प्रकाश टाकला. महाराजांच्या मंगल पाठाने कार्यक्रमाची सांगता झाली.
कार्यक्रमाच्या संयोजनासाठी दिलीप भन्साळी, सतीश लुंकड, सुनील कोठारी, पारस लुंकड, लीलाचंद लूणावत, सुवर्णा चोरडिया, निता बाफना, भावना भन्साली, रीना बाफना यांनी पुढाकार घेतला. स्वाती लुंकड यांनी सूत्रसंचालन केले.