श्री गजाजन महाराज प्रकट दिनानिमित्त धार्मिक कार्यक्रम

पिंपरी, ता. १८ : प्राधिकरण येथील श्री गजानन महाराज मंदिर चॅरिटेबल ट्रस्टच्या वतीने १९ ते २७ फेब्रुवारी या दरम्यान गजानन महाराज प्रकट दिन महोत्सवाचे आयोजन करण्यात आले आहे. बुधवारी (ता.१९ ) सकाळी महाराजांच्या पादुकांचे पूजन व अभिषेक करून महोत्सवाला सुरुवात होईल. तर, सायंकाळी पालखीची मिरवणूक काढण्यात येईल. गुरुवारी (ता.२०) सकाळी काकड आरती, महापूजा, भक्तिगीत सादरीकरण असे धार्मिक कर्यक्रम होतील, अशी माहिती ट्रस्टचे अध्यक्ष रामभाऊ पिसे यांनी दिली.
दरम्यान, मंदिरात गुरुवारी दिवसभर रॉबिनहूड आर्मी, निसर्गराजा, मित्र जीवांचे या संस्थांच्या सहकार्याने रक्तदान शिबिर होणार आहे. दुपारी महाप्रसाद, अभंगवारी, सांस्कृतिक कार्यक्रम, सायंकाळी सहा वाजता ह.भ.प. पुरुषोत्तम महाराज पाटील यांचे कीर्तन होईल. या शिवाय २७ फेब्रुवारीपर्यंत धार्मिक व सांस्कृतिक कार्यक्रम पार पडतील. महाशिवरात्रीला महाभिषेक, रुद्राभिषेक व आरती होईल २७ फेब्रुवारीला महाप्रसादाने महोत्सवाची सांगता होईल.