कासारसाई परिसरातील रस्त्याचे काम सुरू

सोमाटणे, ता. २४ : कासारसाई ते गायकवाडवस्ती, केदारी वस्तीमार्गे चांदखेड-पाचाणे फट्याकडे जाणाऱ्या रस्त्याचे काम सुरू झाले आहे. त्यामुळे या परिसरातील दळणवळणाची समस्या कायमची सुटणार आहे. कासारसाई फाटा ते कासारसाई धरणालगत गायकवाडवस्ती, केदारी वस्तीमार्गे चांदखेड-पाचाणे फाट्याकडे जाणाऱ्या रस्त्याची अनेक वर्षे दुरुस्ती झाली नव्हती. त्यामुळे त्याची दुरवस्था झाली होती. रस्त्यावरील खडी, डांबर उखडल्याने खड्डे पडले होते. काही ठिकाणी रस्त्याखालील मोऱ्या वाहून गेल्या. त्यामुळे रस्ता वाहतुकीसाठी धोकादायक झाला होता. या रस्त्याचा वापर गायकवाड वस्ती, केदारी वस्तीसह कासारसाई धरणावर आलेले पर्यटक करत होते. या रस्त्याची तातडीने दुरुस्ती करावी, अशी मागणीअनेक वर्षापासून सुरू होती. रस्त्याची ही समस्या समजताच आमदार सुनील शेळके यांच्या प्रयत्नातून रस्त्याच्या कामासाठी आठ कोटी रुपये मंजूर झाले असून, नुकतेच या रस्त्याचे काम सुरू करण्यात आले आहे.

PNE25V23030