निगडी, शाहूनगर, कासारवाडीत उत्साह

पिंपरी, ता. १७ ः ‘सकाळ माध्यम समुहा’च्यावतीने शहरातील शाळांमध्‍ये प्रवेशोत्सव साजरा करण्यात आला. विद्यार्थ्यांचे स्वागत गुलाब पुष्प देऊन तसेच औक्षण करून करण्यात आले.
निगडी येथील श्री गुरू गणेश विद्यामंदिर माध्यमिक व ज्युनिअर कॉलेजमध्ये कार्यक्रमाच्या प्रास्ताविकात प्राचार्य हनुमंत मारकड यांनी विद्यार्थ्यांचे स्वागत केले. विद्यार्थ्यांना प्रातिनिधिक स्वरूपात पाठ्यपुस्तक वितरण करण्यात आले. ‘सकाळ’चे दीपक महाडीक यांनी विद्यार्थ्यांना मार्गदर्शन केले. शिक्षक प्रतिनिधी सोनाली सोनवणे उपस्थित होत्या. पर्यवेक्षक हितेंद्र लोखंडे यांनी आभार मानले. मारुती तोत्रे यांनी सूत्रसंचालन केले.

गुलाबपुष्प देऊन स्वागत
शाहूनगर येथील डॉ. डी. वाय. पाटील इंग्लिश मीडियम स्कूलच्या प्राथमिक विभागात ‘सकाळ’ व शाळेतर्फे गुलाब पुष्प व चॉकलेट देऊन त्यांचे स्वागत करण्यात आले व औक्षण करण्यात आले. या वेळी शाळेच्या मुख्याध्यापिका स्वागत गीत गात शिक्षकांनी मुलांचा दिवस अविस्मरणीय बनवला. यावेळी संस्थेच्या प्रमुख कोटकर यांनी विद्यार्थ्यांना नवीन शैक्षणिक वर्षाच्या शुभेच्छा दिल्या.

कासारवाडीतही स्वागत
कासारवाडीतील डीएसके इंटरनॅशनल स्कूल येथे नवीन शैक्षणिक वर्षाच्या प्रारंभानिमित्त स्वागत उत्सव उत्साहात पार पडला. या कार्यक्रमात शाळेतील नवीन प्रवेशित विद्यार्थ्यांचे स्वागत शिक्षकांनी पुष्प देऊन केले. याप्रसंगी संस्थेच्या संचालिका मोनिका कर्नावट, ममता कांबळे सर्व शिक्षक यांनी विद्यार्थ्यांचे स्वागत केले.