शिवानी मडके, वाणी यांच्या संशोधन प्रकल्पाची निवड

पिंपरी, ता. २ ः विद्यार्थ्यांच्या संशोधन वृत्तीस चालना मिळण्यासाठी सावित्रीबाई फुले पुणे विद्यापीठाकडून ‘आविष्कार संशोधन’ स्पर्धा आयोजित करण्यात आली. यात रसिकलाल म. धारिवाल इन्स्टिट्यूट ऑफ फार्मास्युटिकल एज्युकेशन व रिसर्च, चिंचवड महाविद्यालयातील विद्यार्थिनी शिवानी मडके (अंतिम वर्ष बी फार्म) व श्रुतिराज वाणी (तृतीय वर्ष बी फार्म) यांच्या संशोधन प्रकल्पाची जिल्हास्तरीय स्पर्धेतून निवड झाली.
या स्पर्धा महाविद्यालय, जिल्हास्तरीय, विद्यापीठस्तरीय व राज्यस्तरीय अशा टप्प्यामध्ये होते. ही स्पर्धा अण्णासाहेब मगर महाविद्यालय, हडपसर येथे घेण्यात आली होती. विद्यापीठस्तरीय व विद्यापीठ कार्यशाळेतून त्यांचा प्रकल्प राज्यस्तरीय स्पर्धेसाठी निवडण्यात आला. राज्यस्तरीय स्पर्धा १२ - १४ जानेवारी २०२५ मध्ये डॉ. बाबासाहेब आंबेडकर टेकनॉलॉजिकल युनिव्हर्सिटी, लोणेरे, जि. रायगड येथे होणार आहे.
या प्रकल्पाला डॉ. प्रियांका चौधरी, सहयोगी प्राध्यापक व संशोधन समन्वयक यांचे मोलाचे मार्गदर्शन लाभले.
फोटोः 77086