सेवानिवृत्त आयटीआय कर्मचाऱ्यांचे नवी सांगवीत २० ऑगस्टला अधिवेशन

पिंपरी, ता. ९ ः सेवानिवृत्त आयटीआय ज्येष्ठ निदेशक संघाच्यावतीने, नवी सांगवी येथे २० ऑगस्टला
राज्यातील शासकीय आयटीआय सेवानिवृत्त कर्मचाऱ्यांचे राज्यस्तरीय अधिवेशन भरविण्यात येणार आहे, अशी माहिती मुख्य संयोजक एम.पी. मुळीक यांनी दिली.
नटसम्राट निळू फुले सभागृहात सकाळी १०.३० वाजता हे अधिवेशन होणार आहे. आमदार शंकर जगताप यांच्या हस्ते अधिवेशनाचे उद्‍घाटन केले जाणार असून प्रमुख पाहुणे म्हणून खासदार श्रीरंग बारणे यांच्यासह व्यवसाय शिक्षण व प्रशिक्षण विभागाचे संचालक चंद्रशेखर ढेकणे, औंध आयटीआयचे उपसंचालक सचिन धुमाळ आदी यावेळी उपस्थित राहणार आहेत.
या अधिवेशनात राज्यस्तरीय पदाधिकाऱ्यांची निवड होणार आहे. तसेच महत्वाचे ठराव आणि चर्चा केली जाणार आहे. सभासदांच्या वैयक्तिक समस्यांचेही निवारण केले जाणार आहे. तरी सर्व सेवानिवृत्तधारकांनी अधिवेशनाला उपस्थित राहावे, असे आवाहन संघटनेतर्फे करण्यात आले आहे.