जवानांना राख्या बांधून रक्षाबंधन सण उत्साहात

सोमाटणे, ता. १० : देशाच्या संरक्षणासाठी सीमांवर तैनात असलेल्या सीआरपीएफ जवानांना आपल्या कुटुंबीयांसोबत रक्षाबंधन साजरे करता येत नाही. त्यांनाही या सणात सहभागी होता यावे या उद्देशान सोमाटणे येथील शालेय विद्यार्थिनींनी तळेगाव येथे कार्यरत असलेल्या जवानांना राख्या बांधून रक्षाबंधन सण उत्साहात साजरा केला. गेल्या दहा वर्षांपासून सुरू असलेल्या या उपक्रमाचा उद्देश म्हणजे आपल्या घरापासून दूर असलेल्या जवानांना सणाचा आनंद देणे. हनुमंतराव मुऱ्हे यांच्या मार्गदर्शनाखाली सुरू झालेल्या या उपक्रमात विविध राज्यांतील, परंतु तळेगाव येथे तैनात असलेल्या सीआरपीएफ जवानांचा सहभाग असतो. यावर्षीचा हा सण उत्साहात साजरा करण्यात आला.
---