पिंपरी-चिंडवडसाठी नव्याने पाच सहाय्यक पोलिस आयुक्त

पिंपरी, ता. १० : पिंपरी-चिंचवड पोलिस दलात नव्याने पाच सहाय्यक पोलिस आयुक्तांची नियुक्ती झाली. तीन दिवसांपूर्वी राज्यातील पोलिस उपअधीक्षक तसेच सहाय्यक पोलिस आयुक्तांच्या बदल्या तसेच पोलिस निरीक्षकांची पदोन्नती झाली. यात पाच सहाय्यक पोलिस आयुक्तांची बदली झाली. राज्याचे सहसचिव व्यंकटेश भट यांनी याबाबतचे आदेश दिले.
पदस्थापनेच्या प्रतीक्षेतील सचिन तुकाराम कदम, मुंबई शहरचे दौलत आबाजी साळवे, नवी मुंबईचे विठ्ठल कुबडे तसेच सतीश नांदुरकर व प्रवीण बाळासाहेब मोरे यांचा यात समावेश आहे. पिंपरी-चिंचवड दलातील पोलिस निरीक्षक सतीश नांदुरकर यांची सहाय्यक पोलिस आयुक्तपदी, चाकण विभागाचे सहाय्यक पोलिस आयुक्त राजेंद्रसिंग गौर यांची भोर उपविभागीय पोलिस अधिकारीपदी, पोलिस निरीक्षक प्रसाद गोकुळे, सुनील पिंजण, विश्वजीत खुळे यांची पुणे गुन्हे अन्वेषण विभागात पोलिस उपअधीक्षकपदी पदोन्नतीने बदली झाली. पोलिस निरीक्षक शैलेश गायकवाड यांची पदोन्नतीने बीड जिल्ह्यातील माजलगाव येथे उपविभागीय पोलिस अधिकारीपदी बदली झाली.
-----------------