झेप पुनर्वसन केंद्रात उमटले ‘निरागस सूर’

पिंपरी,ता. १४ ः विशेष मुलांनी गायलेली गाणी त्यांना पालकांनी दिलेली साथ, उपस्थितांनी प्रत्येक गाण्याला दिलेली दाद आणि विशेष मुलांच्या चेहऱ्यावर विजयी झाल्याचा आनंद असे चित्र बुधवारी (ता.१३) पिंपरीतील झेप पुनर्वसन केंद्र येथे दिसत होते. निमित्त होते विशेष मुलांसाठी आयोजित करण्यात आलेल्या सुगम संगीत स्पर्धेचे. तीन गटांत घेतलेल्या स्पर्धेत अर्जुन मोहिते (१८ वर्षांखालील), चैतन्य सिंधळकर (१८ वर्षांवरील) रचना आणि राधिका महाजन (विद्यार्थी-पालक) यांनी प्रथम क्रमांक पटकविला.
प्रेयस तेंडुलकर स्मृती प्रित्यर्थ आणि झेप पुनर्वसन केंद्र प्रस्तुत विद्यार्थी-पालक सुगम संगीत गायन स्पर्धेत बालकल्याण संस्था, कामायनी निगडी, डॉन शाळा, सोफोश यासारख्या पिंपरी-चिंचवड व पुण्यातील अनेक शाळांतील विद्यार्थ्यांनी सहभाग घेतला होता. विद्यार्थी व पालक गटामध्येही पाल्यासोबत अनेक पालकांनी सहभाग घेतला होता. संस्थेच्या संस्थापिका नेत्रा पाटकर यांच्या मार्गदर्शनातून आयोजित केल्या जाणाऱ्या या स्पर्धेचे दुसरे वर्ष आहे. गेले २५ वर्षे विशेष मुलांसाठी कार्य करणारे दत्तात्रेय भावे आणि ज्येष्ठ संगीत अभ्यासक अरुण चितळे यांनी या स्पर्धेचे परीक्षण केले. विशेष मुलांसाठी स्पर्धा परीक्षांचे प्रमाण खूप कमी आहे. त्यात झेपसारख्या संस्था पुढे येऊन अशा प्रकारचे उपक्रम राबवत आहे, याचे परिक्षकांनी विशेष कौतुक केले. स्पर्धेत सहभागी झालेल्या सर्व विद्यार्थ्यांना प्रमाणपत्र देण्यात आले.

स्पर्धेतील उपविजेते ः प्रथमेश गोंदणे (१८ वर्षांखालील), श्लोक चावीर (१८ वर्षांवरील) दीप्ती आणि दीपाली जोगळेकर (पालक-विद्यार्थी)
तृतीय क्रमांक ः आदित्य सोफोश (१८ खालील), स्कंदन देशमुख (१८ वरील ), ऋचा-लक्ष्मी कोळी (पालक-विद्यार्थी )
उत्तेजनार्थ ः सुश्रूत सरवटे, अनिश भावेकर, आणि तन्वी आणि इंदू ओझा सर्व विद्यार्थ्यांना स्पर्धेत सहभागाबद्दल प्रमाणपत्र देण्यात आली.