गुंतवणुकीच्या नावाखाली चार कोटींची फसवणूक

पिंपरी, ता. २२ : शेअर मार्केटमधील गुंतवणुकीत मोठ्या फायद्याचे आमिष दाखवून, एकाची सुमारे चार कोटी रुपयांची फसवणूक केली. ही घटना बाणेर येथे घडली.
याप्रकरणी सुदर्शन श्रीकांत लाठकर (रा. मारुती ननावरे चौक, बाणेर) यांनी बावधन पोलिस ठाण्‍यात फिर्याद दिली आहे. त्यानुसार पोलिसांनी तिरूमलशेट्‌टी व्यंकटेश्वर राव ऊर्फ टी. व्‍ही. राव व तिरूमलाशेट्‌टी राघव (रा. आंध्रप्रदेश) यांच्यासह इतर आरोपींवर गुन्‍हा दाखल केला आहे. आरोपींनी आपसांत संगनमत करून फिर्यादी यांना शेअर मार्केट गुंतवणुकीत मोठ्या फायद्याचे आमिष दाखवले. आरोपींनी एका संस्थेच्या नावाने बनावट ई-मेल आयडी तयार केले. या ई-मेलवरून एक बनावट कॉन्ट्रॅक्ट नोट पाठवून मार्जिन मनीच्या गुंतवणुकीवर टाटा मोटर्स लि . कंपनीचे शेअर फिर्यादीस विकल्याचे भासवून फिर्यादीकडून आरोपींनी त्यांच्या वैयक्तिक बँक खात्यात मार्जिन मनीच्या नावाखाली चार कोटी ९७ लाख ५३ हजार रुपये घेतले. सुरवातीला ९९ लाख २८ हजार रुपयांचा परतावा देऊन फिर्यादीचा विश्वास संपादन केला. मात्र, नंतर तीन कोटी ९८ लाख रुपये २५ हजार रुपये परत न करता त्यांची फसवणूक केली. बावधन पोलिस अधिक तपास करीत आहेत.
----