काळेवाडी ज्येष्ठ नागरिक संघाचा २८वा वर्धापनदिन उत्साहात

पिंपरी, ता. २६ ः काळेवाडी ज्येष्ठ नागरिक संघाचा २८वा वर्धापनदिन उत्साहात झाला. सुरेश नढे-पाटील अध्यक्षस्थानी होते. वयाची ७५ वर्षे पूर्ण केलेल्या ज्येष्ठांचा आणि विवाहाला ५० वर्षे पूर्ण झालेल्या दाम्पत्यांचा सत्कार केला. हिंदी मराठी गीतांचा कार्यक्रम झाला. नंदकुमार कांबळे व विनायक कदम यांच्या बहारदार सादरीकरणाला उत्स्फूर्त प्रतिसाद मिळाला. शारदा मुंढे, पिंपरी चिंचवड ज्येष्ठ नागरिक महासंघाच्या अध्यक्षा वृषाली मरळ उपस्थित होत्या. सुरेखा नखाते, रेश्‍मा नाईकवडी, सदाशिव ठाकर, प्रल्हाद गांगुर्डे, प्रकाश गाढवे, एकनाथ काटे, संगीता कोकणे, हिरा तरडे यांनी संयोजन केले.
---