‘सकाळ’ वाचक, हितचिंतकांचा उद्या चिंचवडमध्ये स्नेहमेळावा

पिंपरी, ता. २७ : लाखो वाचकांची ‘सकाळ’ ज्याच्या वाचनामुळे खऱ्या अर्थाने उल्हासित होते, तो म्हणजे आपला सर्वांचा ‘सकाळ’. याच आपल्या ‘सकाळ’चे पिंपरी चिंचवड कार्यालय ३३ वा वर्धापन दिन साजरा करीत आहे. यानिमित्त आपल्याशी संवाद साधायला, हा विश्वास आणि स्नेह अधिक वृद्धिंगत करण्यासाठी भेटूयात शनिवारी (ता. २९) सायंकाळी चिंचवड येथील प्रा. रामकृष्ण प्रेक्षागृहाच्या प्रांगणात.

‘सकाळ’च्या वर्धापन दिनानिमित्त वाचक, जाहिरातदार, विक्रेते आणि हितचिंतकांचा स्नेहमेळावा शनिवारी (ता.२९) सायंकाळी ५.३० वाजता चिंचवड येथील प्रा. रामकृष्ण मोरे प्रेक्षागृह प्रांगणात साजरा होणार आहे. त्यावेळी वाचकांच्या मांदियाळीत सहभागी होण्यासाठी आम्ही सज्ज आहोत, आपण सुद्धा नक्की यावे हे आग्रहाचे निमंत्रण ‘सकाळ’ परिवार देत आहे. कारण, ‘सकाळ’सोबतचे आपले विश्वासाचे नातं आणि तीन दशकांचा आपला स्नेह अधिक वृद्धिंगत करायचा आहे. त्यासाठी नक्की भेटू या! पण, पुष्पगुच्छ आणू नये, ही आग्रहाची नम्र विनंती.

काय? कुठे? कधी? केव्हा?
काय? : सकाळ, पिंपरी कार्यालय ३३ वा वर्धापन दिन
कुठे? : प्रा. रामकृष्ण मोरे प्रेक्षागृह प्रांगण, चिंचवड
कधी? : शनिवार, ता. २९ नोव्हेंबर २०२५
केव्हा? : सायंकाळी ५.३० ते ८.३०