चार लाख रुपये लुटलेल्या आरोपींना २४ तासांत अटक

पिंपरी, ता. ३ : चिंचवड येथील केशवनगर परिसरात शस्त्रांनी वार करून सुमारे चार लाख रुपये लुटलेल्या चार आरोपींनी पोलिसांनी २४ तासांच्या आत अटक केली. मंगळवारी (ता. २) रात्री आशिष अरजनभा बुवा एका दुकानाजवळ थांबले होते. तेव्हा आरोपी तेथे आले. त्यांनी तीन लाख ८० हजार रुपये असलेली बॅग बुवा यांच्या हातातून हिसकावली आणि पलायन केले. गुंडा विरोधी पथक आणि गुन्हे शाखेने बुधवारी (ता. ३) सीसीटीव्ही फुटेज आणि खबऱ्यांच्या मदतीने तपासाची चक्रे फिरविली. आरोपींना थेरगावमध्ये अटक करण्यात आली. यश रमेश अंधारे (वय १८), रितेश मुकेश चव्हाण (वय १८, दोघे रा. थेरगाव) आणि रूपेद्र रूपबसंत बैद (वय १९, रा. पिंपरी) अशी आरोपींची नावे आहेत. याशिवाय एका विधीसंघर्षीत मुलालाही पोलिसांनी ताब्यात घेतली. आरोपींनी चौकशीत गुन्ह्याची कबुली दिली.
...