सकाळ संवाद

चऱ्होली बुद्रूक येथील डी. वाय. पाटील रस्ता परिसरातील साई मंदिराच्या मागील भागात मागील आठ-नऊ महिन्यांपासून सांडपाणी वाहिनी फुटलेली असून, सांडपाणी रस्त्यावर वाहत आहे. या संदर्भात वारंवार तक्रारी करूनही तात्पुरती कारवाई करण्यात येत आहे. सांडपाणी वाहिनी दुरुस्त न केल्याने परिसरातील नागरिकांना त्रास सहन करावा लागत आहे. रस्त्यावर सांडपाणी साचल्यामुळे डेंगी, मलेरिया यांसारख्या साथीचे आजार वाढत आहेत. लहान मुले, ज्येष्ठ नागरिक व महिलांना आरोग्याचा धोका निर्माण झाला आहे. परिसरात असह्य दुर्गंधी पसरली असून स्वच्छतेच्या दृष्टीने वाईट परिस्थिती निर्माण झाली आहे. या स्थितीवर स्थानिक अधिकाऱ्यांना अनेक वेळा संपर्क करूनही चालढकल करण्यात येत आहे. भविष्यात अशी स्थिती पुन्हा निर्माण होऊ नये यासाठी कायमस्वरूपी उपाययोजना करावी.
- निर्गुण थोरे, चऱ्होली बुद्रूक
PNE25V74159,

लक्ष्मी चौक ते ऍमस्टरडॅम हॉटेल हिंजवडी दरम्यानच्या रस्त्यावर खड्डे झाले असून रस्त्याची चाळण झाली आहे. पावसाळा संपून दोन महिने झाले तरीही रस्त्याची दुरुस्ती केली जात नाही. हा रस्ता धोकादायक व अपघाताला निमंत्रण देणारा आहे. त्यामुळे या रस्त्याची ताबडतोब दुरुस्ती करावी.
-विवेक मैत्र, चिंचवड
PNE25V74161